అమ్మ

 పట్టుదలకు ప్రతిబింబము నీవు
నిరాడంబరతకు నిదర్శనము నీవు
త్యాగానికి మారుపేరు నీవు
మమతల మణిదీపము నీవు
ఉరికే జలపాతము నీవు
అలుపెరుగని కెరటము నీవు
ధైర్యానికి దర్పణము నీవు
ధ్యేయ సాధనలో ముందున్నావు
మాకై మనుగడ సాగించావు
నిద్రాహారాలను సైతం మరచావు
అహర్నిశలు మాకై శ్రేమించావు
మమ్మల్ని ఈ స్థాయికి చేర్చావు
కన్నీళ్లను కనుమాటున దాచావు
కంటిపాపలా మము కాచావు
కష్టాల కడలిని దాటావు
జయకేతనం ఎగరేశావు
ప్రతిక్షణం మాకై జీవించావు
మా భవితకు ఎంతో కృషి చేశావు
ప్రాణం కంటే మిన్నగా మము ప్రేమించావు
మా అందరి హృదయం లో కొలువున్నావు