ప్రియమైన అమ్మకు

నాకొక చిట్టి మనసుంది
ఆ మనసుకు మంచి తోడుంది

ఆ తోడే నా బొమ్మ గీసింది
నా భవితకు బాట వేసింది

మంచి మాటలు చెప్పింది
మమతను నాలో పెంచింది

చందమామను చూపింది
గోరుముద్దలు పెట్టింది

నడకను నాకు నేర్పింది
నడతను గూర్చి చెప్పింది

స్నేహానికి అర్థం తెలిపింది
నా ప్రియ నేస్తం అయ్యింది

నా మనసులో మాటను గుర్తించి
నా కోర్కెను తానే తీర్చింది

నా ఆవేదన గుర్తించింది
మంచి ఆలోచనని ఇచ్చింది

సర్వం నాకు ఇచ్చింది
అమ్మకు అర్థం చెప్పింది

ప్రియమైన నాన్నకు

ఇంకెన్నేళ్ళు నేనీచెంతుంట
ఉన్నన్నాళ్ళు నేనీవెంటుంట

ఎన్నో ఆశలతో పయనిస్తున్నా
ఏవో ఊహలతో జీవిస్తున్నా

నా మనసు కోరేది నీ మమతను
నా తనువు కోరేది నీ చనువును

నా చేయి కోరేది నీ చెలిమిని
నా నీడ వెతికేది నీ జాడని

నా మౌనం వేచేది నీ మాటకు
నా పెదవి పలికేది నీ ప్రశ్నకు

నా కనులు వేచేది నీ సైగకు
నా గుండె కోరేది నీ గెలుపును

నేను ఎక్కే ప్రతి మెట్టు నీ శ్రమకు గుర్తింపు
నేను పొందే ప్రతి విజయం నీ శ్రమకు ఓదార్పు

నువ్వు చిందించే స్వేదం నడిపింది నను దూరం
నేను చేరాలి గమ్యం కాకూడదు నీకు భారం

నా కోరిక తీరాలి నీకు అండగా ఉండాలి
కష్టాలు తొలగాలి సంతోషం మిగలాలి

సిరిసంపదలు రావాలి సుఖంగా జీవించాలి
లక్ష్య సాధనలో మన శ్రమ ఫలించాలి

ప్రియ నేస్తం

నాకొక నేస్తం కావాలి

హృదయానికి హత్తుకుపోవాలి

తన గుండెలో నేను కొలువుండాలి

కంటికి రెప్పలా నన్ను చూసుకోవాలి

తన కంటి నలుసు నన్ను బాధించాలి

నా బాధను తను ఓదార్చాలి

స్వార్ధమన్నది తొలగిపోవాలి ఒకరికిఒకరై జీవించాలి

అమ్మలా ఆప్యాయతనివ్వాలి నాన్నలా నన్ను మందలించాలి

తోబుట్టువై నాకు తోడుండాలి చిరకాలం నా చెంతుండాలి

కలకాలం మేము కలిసుండాలి నాకలాంటి నేస్తం కావాలి

ప్రేమ పూజారి

సున్నిత సుకుమార కోమలాంగి
చూడవా నా వైపు సుందరాంగి

ఇప్పటికైనా కరునించవా 
నీ ప్రేమ నా పై కురిపించవా

నీ కనుపాపలో కాంతి తారల్ని మరిపించు
నీ చిరునవ్వులో సిరులు నన్నెంతో మురిపించు

లేలేత చెక్కిళ్ళ రోజాపువ్వా
వయ్యారి నడకల అప్సరస నువ్వా

ముద్దొచ్చు నీ మోము తలపించు చంద్రబింబము
ముచ్చటగోల్పు నీ చిలుకపలుకులు మరువలేని తీపి గుర్తులు

మంచి మనసుతో మమతల్ని పంచేవు
నిండు హృదయంతో దానాలు చేసేవు

నిన్ను చూసి ముగ్ధున్ని అయ్యాను
నీ ప్రేమకు దాసుణ్ణి అయ్యాను

ఈ జన్మకు నా ప్రాణము
నీ ప్రేమకే అంకితము

స్నేహం

మనసున్న ప్రతి మనిషికి మధురమైన తోడు స్నేహం

లాభనష్టాల ఒడిదుడుకులను కష్టసుఖాల కలయికలను

కలసి పంచుకునే తోడు స్నేహం

మరువలేని మరపురాని మధురమైన తోడు స్నేహం

మనసులను కలిపేది మమతలను పంచేది స్నేహం

నిరాశ చెందిన హృదయానికి ఆశాభావాన్ని పెంచునది స్నేహం

మోడుబారిన జీవితాన్ని చిగురింపచేయునది స్నేహం

కమ్మని కలయిక స్నేహం ఆ స్నేహం మధురం

స్నేహం విలువ తెలియని జీవితం వ్యర్ధం

వీధి బాల్యం

పాలు తాగే పసిపిల్లలు నీటికోసం అలమటించెదరు
అమ్మ ఒడిలో ఒదిగే వేళ చెత్తకుండిలో శయనించెదరు

లోకమెరుగని పసికూనలు అమ్మ ప్రేమకై పరితపించెదరు
నీడలేని చిట్టికూనలు చెట్లక్రిందే విశ్రమించెదరు

ఆటపాటలతో కేరింతలు కొట్టువేళ ఆకలితో పోరాటం చేసెదరు
ఆకలి మంటలు తీరేటందుకు జీవనపోరాటం సాగించెదరు

బడికి పోవలసిన బుడతలు బ్రతుకు భారాన్ని మోసెదరు
చిత్తుకాగితాల వేటలో రేయింబవళ్ళు శ్రమించెదరు

ఎండకు ఎండి, వానకు తడిచి, గాలికి తిరిగి, ధూళిలో పెరిగెదరు
పట్టించుకొనుటకు 'నా' అన్నవారు ఉండీ, లేని అనాధలు వారు

చిరిగిన దుస్తులతో ఆకలిదప్పులతో పయనించెదరు 
పొట్ట కూటికై చిల్లర దొంగలగా మారెదరు

ఇది ఆ పిల్లల పాపమా? వదిలేసిన పెద్దల నేరమా?
ఏదీ పట్టించుకోని మన ప్రభుత్వ వైఫల్యమా ?????

రాజకీయం

ప్రజలను పాలించేది ప్రభుత్వం
ప్రభుత్వాన్ని పీడించేది రాజకీయం

ఐదేళ్ళకోసారి మన ముందుకొస్తారు
మీ రాత మారుస్తామంటూ ఉపన్యాసాలిస్తారు

దండాలు పెట్టి ఓట్లు దండుతారు
నోట్లు పోసి సీట్లు కొంటారు

పదవి వచ్చాక ప్రజల్ని మరుస్తారు
ధనార్జనలో మునిగి తేలుతుంటారు

విధి నిర్వహణకు స్వస్తి చెబుతారు
విదేశాలలో విహారయాత్ర సాగిస్తారు

న్యాయానికి గంతలు కడతారు
అన్యాయానికి జేజేలు పలుకుతారు

ప్రతిభను మెచ్చి పథకాలు ఇస్తారు
కాసులిచ్చిన వారికే ఉద్యోగాలిస్తారు

నిరుపేదలకు నిలువ నీడను కల్పించలేరు
తమ వారసులకు ఆస్తులను సమకూరుస్తారు

మతం పేరుతో పార్టీలు పెడతారు
ప్రజలలో వివాదాలు రేపుతారు

ప్రభుత్వ రంగంలో సిబ్బందికి లోటు
నీతికి నిలబడిన వారిపై వేస్తారు వేటు

స్వార్ధపరుల సమూహం ఈ రాజకీయం
ఎటు పోతుందో తెలియదు మన సమాజం

మా మాష్టారు

ప్రతి ఉదయం చిరునవ్వుతో పలకరించారు
మా మనసులో ఆహ్లాదాన్ని నింపారు

అందరితో స్నేహంగా మెలిగారు
మాతో ఎంతో అనుబంధాన్ని పెంచుకున్నారు

సహనానికి మారుపేరు మీరు
అభినయంలో మీకు సాటి లేరు

ఎల్లప్పుడు మా మేలే కోరారు
ఎన్నో నీతి కథలను చెప్పారు

అలసట ఎరుగని కెరటం మీరు
వేడికి కరగని మేలిమి మీరు

మాకు కావాలి మీ ఆశీస్సులు
మమ్మల్ని గుర్తుంచుకుంటారు కదా ఎల్లప్పుడు

మానవజీవితం

ఏది ఎవరికి శాశ్వతం
ఎవరు ఎవరికి శాశ్వతం
అశాస్వతమైన ఈ జీవితంపై
ఎందుకింతటి వ్యామోహం

నాటి సోదరులు పంచుకున్నారు ప్రేమానురాగాలను
వారి వారసులు పంచుకుంటున్నారు ఆస్తిపాస్తులను
డబ్బే జీవితమని భావిస్తున్నారు
కన్న తల్లిని సైతం మరుస్తున్నారు

తన,మన మరచి తన వారిని విడచి
మనీ కోసం మరమనుషుల వలె జీవిస్తున్నారు
తమదే పైచేయిగా భావిస్తున్నారు
కన్నవారిని క్షోభకు గురిచేస్తున్నారు

పుట్టినపుడు మనతో తెచ్చింది లేదు
పోయేటపుడు మనతో తీసుకెల్లేది లేదు
ఈ నిజం అందరికి తెలియంది కాదుఅయినా డబ్బుపై ఎందుకింత మోజు

యాంత్రికమైన ఈ ప్రపంచంలో యంత్రాల్లా బ్రతుకుతున్నారు
ప్రొద్దున్నే వెళ్తారు ప్రొద్దెక్కాక ఇంటికి వస్తారు
తమ పిల్లలకు సైతం ప్రేమను పంచలేకున్నారు
వారిని మందలించి మంచి మర్గాన నడిపించలేకున్నారు

యువత

నేటి యువతే దేశ భవిత
యువత లేనిదే ప్రతిభ లేదు
ప్రతిభ లేనిదే ప్రగతి లేదు
ప్రగతి లేనిదే గెలుపు లేదు
గెలుపు లేని దేశం కానరాదు

సారధి

నీ కుటుంబానికి నీవు కావాలి రధసారధి
అధిగమించాలి అవరోధాల వారధి
మన మేదస్సే మరుగవని నిధి
కృషితో సాధించాలి అభివృద్ధి
సిరిసంపదలు చేరాలి నీ సన్నిధి

అమరజీవి

దేశ స్వాతంత్రానికి కారకులు ఎందరో మహానుభావులు
కానీ మన రాష్ట్ర స్వేచ్ఛకు కారకులు పొట్టి శ్రీరాములు

ప్రేత్యేక రాష్ట్రం కోసం చేపట్టాడు నిరాహారదీక్ష
అది యాబై రెండు రోజుల కఠోర పరీక్ష

ప్రాణాలు అర్పించి పరీక్ష నెగ్గాడు
ప్రేత్యేక రాష్ట్రాన్ని ఆవిర్భవింపజేశాడు

అంతులేని త్యాగంతో అమరజీవి అయినాడు
చిరస్మరనీయుడిగా చరిత్రకెక్కాడు

కృషిచేసిన వారినే కీర్తి వరించాలి
మన రాష్ట్రాన్ని అమర రాష్ట్రంగా మార్చాలి

కాలం

కాలం అమితవేగం
ఆగదు మనకోసం

సాగాలి పయనం
చేరేవరకు గమ్యం

చెయ్యాలి ప్రయత్నం
పొందేవరకు ఫలితం

పొంచివుంటుంది సోమరితనం
బానిసైతే మిగిలేది సూన్యం

కర్తవ్యాన్ని చెయ్యకు నిర్లక్ష్యం
తీరాలంటే నీ లక్ష్యం

మంచే మనకు ఆదర్శం
ఆ కీర్తే మనకు శాశ్వతం

ఎయిడ్స్

పరవళ్ళు తొక్కే  యువతరంగాలు
ఆకాశాన్ని తాకే ఆశాకెరటాలు

సంతోషంగా జీవించాలన్న ఉబలాటం
సరదాగా అంటు దురలవాట్లతో సావాసం

కొత్తవాటిపై కుర్రాళ్ళకి తగని మోజు
బీడీతో మొదలై బ్రాన్దితో ముగుస్తుందారోజు

సరదాలు పోయి వ్యసనంగా మారుతున్న అలవాట్లు
చెడుసాంగత్యానికి అవుతున్నారు బానిసలు

అన్నీ అనుభవించాలన్న వెర్రి ఆలోచనలు
సరదాగా అంటు శృంగారానికి ప్రాకులాటలు

తప్పును ఒప్పుగా చెయ్యగల మేదావులున్నారు
పొంచివున్న ముప్పు నుండి తప్పించుకుంటున్నారు

వ్యామోహంలో శృంగారానికి బానిసలవుతున్నారు
ఎయిడ్స్ మహమ్మారి శాపానికి గురవుతున్నారు

పొరుగు దేశాలలో ఉన్న మహమ్మారి మనదేశానికొచ్చింది
ఎయిడ్స్ బారినపడే వారి సంఖ్య రోజురోజుకూ పెరుగుతోంది

ఆశయం

ప్రతి మనిషికీ ఉంది ఆశయం
తన గమ్యం చేరాలనే ఆవేశం
జీవితంలో ఒడిదుడుకులు సహజం
ఓ నేస్తమా చెందకు నిరుత్సాహం

ఏడాది బిడ్డ పరుగులు తీసేనా?
పునాది లేనిదే భవనాలు లేచేనా?
ఆటకు తుదిమొదలు ఒకచోట ఉండునా?
ప్రయత్నం లేనిదే ఫలితం అందేనా?

ఓటమిని చూసి కుంగిపోకు
గెలవలేదని ఆశని విడవకు
నీ లక్ష్యం ఎన్నడూ మరువకు
తప్పక చేరుతావు నీ ఒడ్డుకు

అమ్మ

 పట్టుదలకు ప్రతిబింబము నీవు
నిరాడంబరతకు నిదర్శనము నీవు
త్యాగానికి మారుపేరు నీవు
మమతల మణిదీపము నీవు
ఉరికే జలపాతము నీవు
అలుపెరుగని కెరటము నీవు
ధైర్యానికి దర్పణము నీవు
ధ్యేయ సాధనలో ముందున్నావు
మాకై మనుగడ సాగించావు
నిద్రాహారాలను సైతం మరచావు
అహర్నిశలు మాకై శ్రేమించావు
మమ్మల్ని ఈ స్థాయికి చేర్చావు
కన్నీళ్లను కనుమాటున దాచావు
కంటిపాపలా మము కాచావు
కష్టాల కడలిని దాటావు
జయకేతనం ఎగరేశావు
ప్రతిక్షణం మాకై జీవించావు
మా భవితకు ఎంతో కృషి చేశావు
ప్రాణం కంటే మిన్నగా మము ప్రేమించావు
మా అందరి హృదయం లో కొలువున్నావు